第06:桂花苑
上一版3   4下一版  
 
标题导航
2020年01月27日 星期一 出版 上一期  下一期
3 上一篇   下一篇 4  
放大 缩小 默认   
屋外有“年味”
  ■ 秦来来

  阿拉小辰光顶开心的事体就是过年。因为过年,阿拉可以穿新衣裳;可以拿压岁钿;可以吃平常吃大勿到的物事;可以跟大人到亲眷屋里拜年,还好拿一只小红包;可以到城隍庙里去买白相官(玩具)。

  不过,要实现格眼“小目标”,当然是要付出的。

  首先要帮大人掸尘。春节前半个月,屋里厢就开始忙碌起来,天花板、墙壁角、床底下、还有碗盏家什拿出来,勒了大人的指挥下,爬上爬下、汏汏拆拆。房间里家生的角角落落侪要揩清爽,头顶浪厢涕涕塌塌的灰尘侪要掸干净......因为格个辰光阿拉放假了,逃也逃勿脱。

  挨下来就是排队买年货。格个辰光可以凭购物卡搭各种只有到了春节才会发的票券,去买冻鸡、冻鸭、冻蛋、冻肉,还有皮蛋、冬笋、金针、木耳、粉丝、烤麸……顶顶伤心的是,就算有了票券,要想买到格眼配给的货物,还要去排队。排队,还要去得早;去晚了,要么物事卖光了,要么就剩一眼眼脚脚头了。所以每天早浪4、5点种就要拨大人喊起来,到小菜场排队。倷想想看,阿拉格个辰光只有十来岁,早浪厢多少要睏;加上碰着大冷天,从热彤彤的被头窠里钻出来,到马路菜场排队买菜。真叫怨啊! 

  不过,阿拉弄堂里厢有眼邻居老好的,具有互助帮忙的精神。伊拉半夜里就起来,到小菜场里排队;同时,会拿带去的菜篮头、马路旁边的碌砖……帮邻居排了嗨。等到4点钟,伊拉来一家一家叫醒。因为过一歇小菜场营业员来了,伊拉来点人了,侬再勿去,菜篮、碌砖侪勿算数的。格能一来,早浪厢此起披伏的叫门声,成了一道风景“声”。交关闹猛!

  连下来进入关键时刻,准备过年的吃。

  糯米只有过年的辰光有供应,因此大部分家庭侪要磨水磨粉,包圆子(外地人叫汤团)。弄堂里厢邻居屋里的一只石磨子吃香的勿得了。基本浪厢一个月前,就要去登记、打招呼,由主人家来安排日脚,张家今朝用、李家明朝用。为了勿好脱班,只要磨子搬到屋里,辰光晏做晏,就是不睏觉也要把糯米磨好,按时交给下家。为了赶进度,阿拉兄妹轮流上岗,一个人磨、一个人舀米。磨法磨法,手浪厢莫知莫觉地磨出了血泡。顾无得介许多,弄块绢头拿手包一包继续磨。(上)

3 上一篇   下一篇 4  
放大 缩小 默认   
   第01版:一版要闻
   第02版:综合新闻
   第03版:经济民生
   第04版:多彩城区
   第05版:桂花苑
   第06版:桂花苑
   第07版:徐汇视域
   第08版:公益宣传
屋外有“年味”
习爷爷艰苦的七年知青岁月
素五牲
挤公交(国画)
刊头书法
小京胡大名堂
徐汇报桂花苑06屋外有“年味” 2020-01-27 2 2020年01月27日 星期一